Doutzen yn swier waar

De útjouwster hat it nije manuskript goedkard en de roman sil yn 2018 útjûn wurde. Dat wurdt dan de achste. Geweldich!

Tuskentroch tiid foar de hobby.

Wintertafrieltsje

4 april 2017

Hjoed haw ik it manuskript fan myn nije roman nei de útjouwer stjoerd. As it goedkard wurdt sil it myn 8ste boek wurde. Ik haw der in jier oan wurke en mei tank oan myn kundige meilêzeres is it nei myn betinken in goed ferhaal wurden. 

DE FOET BY DE KÛLE

Fryslân 1946. Bareld is in jongkeardel dy't mar ien ding foar eagen hat: hy moat en sil keunstner wurde. Dat ta grutte argewaasje fan syn heit dy't wol dat er, krekt as elkenien, gewoan wurk siket.

Richtsje is de op ien nei âldste dochter fan Lysbet Brolsma, in widdo dy't har man op nuveraardige wize yn it lêst fan de oarloch ferlern hat. Richtsje hat ek in dream: skoaljuffer wurde.

Wanear't Bareld en Richtsje elkoar foar it earst moetsje is it leafde op it earste gesicht. Der komme lykwols safolle swierichheden op harren ta, dat it noch mar de fraach is oft dreamen werklikheid wurde kinne.

DE FOET BY DE KÛLE

Myn sânde roman sjocht it ljocht op 9 maaie 2016

Hjoed kaam 'De foet by de kûle' út by de KFFB. In delegaasje fan de útjouwster, de dames Mynke & Corry kamen del om it earste eksemplaar oan te bieden. Fansels wie myn meilêster Jikke ek oanwêzich. Wy hawwe it fierd mei oranjekoeke en kofje en jûn drinke wy der fansels ien op.

Ljouwert 16 jannewaris 2016. Op de jiergearkomste fan de KFFB wurdt bekend makke dat myn 7e roman 'De foet by de kûle' yn maaie 2016 útjûn wurde sil. Dat is fansels wol in blomke wurdich.
Mei 2 bestjoersleden fan de útjouwster en kollegaskriuwster Nelly Jongsma-de Jong.

DOUTZEN UNDER FJOER

Hjoed, 08-09-2015 kaam myn 6e roman út. 'Doutzen ûnder fjoer.'
Dit ferhaal is in ferfolch op:

'Om Doutzen,' mar kin ek apart lêzen wurde.
Utjouwster Mynke de Groot rikte tagelyk mei Corrie Rozendal it earste
eksemplaar út oan de skriuwer. Ek oarehelte Jelly & dochter AljaTine wienen
by dit feestlik barren oanwêzich.  Meilêster Jikke Olivier wie ek fan de partij.