29 jannewaris 2013. Minsken fan de útjouwerij komme by ús thús om it earste eksemplaar fan 'Om Doutzen oan te bieden. Pakesizzer Hendrik sjocht dêr fan op!
'Om Doutzen' ynbûn, 212 siden, priis16.- euro. Te keap by de bettere boekhannel en by de skriuwer sels: www.tjeerdsma6@gmail.com 

Tiisdei 29 jannewaris 2013
 
Hjoed is it in bytsje feest, want myn 4e roman komt út: 'Om Doutzen'

Koarte ynhâld:

Fryslân midden yn 'e tritiger jierren fan de foarige ieu. It is krisistiid, rûnom hearsket earmoede en de measte minsken hawwe it dreech om troch de tiid te kommen. Alle dagen steane lange rigen wurkleazen foar it stimpellokaal. In flues fan doffe berêsting hinget oer it lân, it liket wol as sil it nea wer oars wurde.

Doutzen, in jonge frou, wennet mei har âlden efterôf yn it lân, dêr't har heit mûnder en lytsboer is. Hja fielt har ûnwennich yn dy iensume oarde en langet nei it fertier en de drokte fan de stêd, dêr't se wolris by omke en muoike útfanhuzet.

Sibe is in jongkeardel dy't in âld Chevrolet keapet en in molkrit begjint. Syn freon Wytse kriget ferkearing mei de dochter fan in NSBer en rekket alhiel yn 'e besnijing fan dy beweging. Sûnder erch giet Sibe dêr stadichoan yn mei.

Dan moetet er Doutzen...

                                                                 5 septimber  2012

De datum dat de earste ôflevering fan it fúljeton yn it 'Nieuwsblad N.O. Friesland' (Dokkumer en Kollumer Krante) ferskine sil. Myn lêste roman 'Reboelje yn Kollumerlân' yn parten dus. Bin benijd hoefolle ôfleveringen nedich binne om it hiele ferhaal te fertellen. 

Winkelmuzyk.
Nijsgjirrich artikel yn de bijlage fan de LC hjoed: 'meedeinen op het winkelritme.' Tuskenkop: 'Winkelmuzyk werkt op het onderbewuste van de klant.' No net op dizze klant. It wurket op myn bloeddruk, dy't ûngekende hichten berikt. As ik ergens in pesthekel oan haw, dan is it wol de lûdfersmoarging dy't jo as klant yn de foarm fan gejank en gejammer ûndergean moatte en dat sûnder dat jo dêr om frege hawwe. Yn dit lân skynt dizze terreur normaal te wêzen, yn it bûtenlân geane se hiel wat fatsoenliker mei de klanten om. Yn Dútslân koe ik alteast yn alle rêst in protsje klean keapje sûnder dat my de earen fan 'e kop blaast waarden troch healwiis gebalt yn ûnfersteanber Ingelsk. Jo kinne tsjintwurdich hast net mear yn in parkearkelder, winkel of oar publyk gebou komme of jo wurde lêstich fallen troch 538, skyradio of hoe't alle oare lawaaikranen ek hjitte meie. Sels fersoargingstehuzen binne der net mear frij fan. Dochs besykje ik dit sa folle as noch mooglik is te mijen en boadskipje as it heal kin by Lidl en Aldi, dêr't se noch rekken mei de klant hâlde en jo gjin lawaai opkrongen wurdt.  WinkelmuzykDútske winkels, soe dat tafal wêze...

OmDoutzen

Myn nije roaman mei as titel 'Om Doutzen' is klear en komt nei alle gedachten út yn febrewaris 2013.

De roman spilet om 1935 hinne en is it ferhaal fan de leafde tusken twa jonge minsken mei as eftergrûn de earmoede fan de tritiger jierren en de opkomst fan it nasjonaalsoasjalisme.

Nog altijd te koop in de betere boekhandel en bij de auteur.

Mei Annet Huisman foar de K-rûte maaie 2011